Poeta No So

No – poeta no so !

No go ste pretese

me manca la cultura

me manca ‘l saver.

Ma quando che dentro

tuto se ingrùma

e me par de s-ciòpar…

alora me sbroco.

Spegasso sta carta

slissa – ‘nossente

che taxendo m’invita

che strasso – strapasso

po’ casso nel çesto

Opur co dolcezza

la meto in scarsela

piegandola in quatro

perché la poesia – che

go scrito su ela

me par tanto bela.

Liliana Zanon 

( da "Do Palanche")

Liliana Zanon Copyright (c) 2015 Liliana Zanon - Tutti i diritti riservati. Vietata la copia anche parziale. Ogni abuso derivante dal plagio, dalla contraffazione, la copiatura, la distribuzione, la commercializzazione, del materiale , lo sfruttamento economico o pubblicitario dei contenuti del blog sarà perseguibile civilmente e penalmente.